ಛಾವಣಿಯ ವ್ಯವಸ್ಥೆಗಳು

ಸಾಮಗ್ರಿಗಳು ಹಾಗೂ ಕಾರ್ಯವಿಧಾನ

ಒಂದು ಆಧಾರ ತೊಲೆ ಅಥವಾ ಗೋಡೆಯಿಂದ ಇನ್ನೊಂದು ಆಧಾರ ತೊಲೆ ಅಥವಾ ಗೋಡೆಯವರೆಗೆ ಹರಡಿರುವ, ಅಡ್ಡಡ್ಡಲಾಗಿ ಇರಿಸಲಾದ ಸಮತಟ್ಟಾದ ಕಲ್ಲಿನ ಚಪ್ಪಡಿಗಳಿರುವ ಸಮತಟ್ಟಾದ ಛಾವಣಿ ವ್ಯವಸ್ಥೆಯನ್ನು ಸೋಮೇಶ್ವರ ದೇಗುಲದಲ್ಲಿ ಬಳಸಲಾಗಿದೆ (ಪೋಸ್ಟ್ ಹಾಗೂ ದ್ವಾರದ ಮೇಲೆ ಹಾಕುವ ಹಾಸುಗಲ್ಲಿನ ನಿರ್ಮಾಣ ವ್ಯವಸ್ಥೆಯ ವಿಭಾಗವನ್ನು ನೋಡಿ). ಮಂಟಪದ ಕೇಂದ್ರ ಹಜಾರವು ಸಮತಟ್ಟಾದ ಮೇಲ್ಛಾವಣಿಯಿಂದ ಕೂಡಿದ್ದು, ಸಭಾಂಗಣದ ಉಳಿದ ಭಾಗಗಳಿಗಿಂತ ಎತ್ತರಕ್ಕೆ ಅದನ್ನು ಏರಿಸಲಾಗಿದೆ. ಸುಣ್ಣದ ಸುರ್ಖಿ (ಸುಣ್ಣದ ಕಾಂಕ್ರೀಟ್) ಪದರವನ್ನು ನಂತರ ಸಮತಟ್ಟಾದ ಕಲ್ಲುಗಳ ಮೇಲೆ ಹಾಕಿ, ಮಳೆನೀರನ್ನು ಪರಿಣಾಮಕಾರಿಯಾಗಿ ಹರಿಸುವುದಕ್ಕಾಗಿ, ಸಂರಚನೆಯ ಅಂಚಿನ ಕಡೆಗೆ ಇಳಿಜಾರನ್ನು ಮಾಡಲಾಗಿರುತ್ತದೆ. ಕೊನೆಗೆ, ಇದರ ಮೇಲೆ ಮಣ್ಣಿನ ಹೆಂಚುಗಳನ್ನು ಇರಿಸಲಾಗುತ್ತದೆ. ಗರ್ಭಗುಡಿಯ ಮೇಲಿರುವ ಇಟ್ಟಿಗೆ ಮತ್ತು ಗಾರೆಗಳ ಪಿರಮಿಡ್ ಆಕಾರದ ವಿಮಾನದ ಮೇಲೆ ಒತ್ತು ನೀಡಲು ಈ ಸಮತಟ್ಟಾದ ಮೇಲ್ಛಾವಣಿಯು ಅನುವು ಮಾಡಿಕೊಡುತ್ತದೆ. ಗೋಪುರವು, ಮೆಟ್ಟಿಲುಗಳ ಗೋಪುರದ ರೂಪದಲ್ಲೂ ಇದ್ದು,, ಶಾಲಾ ಮೇಲ್ಛಾವಣಿಯೆಂದೂ ಕರೆಯುವ ಉರಲೆಯಾಕಾರದ ಕಾಮನು ಮೇಲ್ಛಾವಣಿಯನ್ನು ಕಳಶಪ್ರಾಯವಾಗಿ ಹೊಂದಿದೆ. ಇಲ್ಲಿ, ನಡುವೆ ಬರುವ ಮಹಡಿಗಳನ್ನು ಮದ್ರಾಸ್ ತಾರಸಿಗಳ ಸಾಂಪ್ರದಾಯಿಕ ವ್ಯವಸ್ಥೆಯನ್ನು ಬಳಸಿ ನಿರ್ಮಿಸಲಾಗಿದೆ.

ಈಗ ಹಂಚಿಕೊಳ್ಳಿ

ಮುಂದೆ ಓದಿ
ಹಿಂದಿನದನ್ನು ಓದಿ